In 'n tyd van leierloosheid (koning Ussia is dood) het die Here aan Jesaja verskyn (Jesaja 6). Die verskyning van die heilige God het hierdie sondaarmens ineen laat krimp. Hy besef nie net sy eie sondigheid nie maar bely onomwonde dat hy ook deel is van 'n volk wat deur en deur sondig is. Dit is die beginpunt van ware leierskap ... om jou kleinheid voor die grote God te besef! Dan ontvang Jesaja God se genade. Sy sonde word weggeneem. Dit is die Evangelie (die Goeie Boodskap) wat via die kruis van Golgota oor hierdie wêreld verkondig word. So lief het God die wêreld gehad dat Hy Sy Seun gestuur het (Jesus Christus) sodat almal wat glo nie verlore sal gaan nie, maar die ewige lewe sal hê (Johannes 3: 16). Maar wat gebeur dan met diegene wat God se genade ontvang? Luister na God se roepstem: - Wie sal Ek stuur? Dadelik het Jesaja geantwoord: Hier is ek - stuur my.
Hy wat die betekenis van sy verlossing verstaan is dadelik gereed om sy roeping te vervul. God roep diegene wat Hy verlos en Hy gebruik hulle in Sy diens. Gaan lees weer Jesaja 6: 9 - 13. Wat 'n ernstige boodskap. Genadetyd is verby! Diegene wat nie wou hoor nie sal nie meer kan hoor nie. Diegene wat nie wou reageer nie, sal nie meer kan reageer nie. In tye van leierloosheid roep God Sy leiers om 'n baie ernstige boodskap na die wêreld te neem.
Bybelgedeelte: Jesaja 6: 1 - 13
Subscribe to:
Post Comments (Atom)
No comments:
Post a Comment